Fýtbol: «Ordabasy» syrt alańda «Qyzyljardan» basym tústi

ASTANA. QazAqparat - Fýtboldan Premer-lıga komandalary arasyndaǵy el birinshiliginde 11-týrynda «Qyzyljar» men «Ordabasy» komandalary kezdesti, dep habarlaıdy QazAqparat tilshisi.

Týrnır kestesinde komandalar qatarlas keledi. «Ordabasy» ekinshi orynda tursa, «Qyzyljar» úshinshi orynda tur. Sondyqtan búgingi kezdesýde tartysty oıyn órbıtini belgili edi.

Alǵashqy mınýttan komandalar shabýylǵa kóbirek kóńil bóldi. Ásirese, petropaldyq fýtbolshylar tarapynan belsendilik baıqalyp turdy.

«Ordabasy» oıynshysy Bernardo Matıch 93-mınýtta kezdesý taǵdyryn sheshken goldy soqty.

Osylaısha shymkenttik klýb qarsylasynan 1:0 esebimen basym tústi.

Aıta ketsek, 27 mamyrda «Maqtaral» «Qaıratty» 3:1 esebimen jeńip ketti.

https://kaz.inform.kz/news/kayrat-maktaaraldan-zhenilip-kaldy_a4072210

Sondaı-aq, «Kaspıı» men «Shahter» kezdesýinde 1:1 esebimen teń tússe, «Aqsý» óz alańynda «Jetisýdy» 2:1 esebimen tize búktirdi.

Al «Tobyl» syrt alańda «Oqjetpesti» 2:1 esebimen súrindirdi.

Endi búgin, 28 mamyrda «Atyraý» men «Astana», «Qaısar» (Qyzylorda) men «Aqtóbe» jasyl alańǵa shyǵady.