Fýtbol: «Ordabasy» óz alańynda «Shahterden» jeńilip qaldy
NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan chempıonatynyń úshinshi týry máresine jetti, dep habarlaıdy QazAqparat tilshisi.
Atalǵan týrdaǵy sońǵy eki oıynnyń biri Qyzylorda qalasynda ótti. Jergilikti «Qaısar» klýby «Taraz» komandasyn qabyldady. Bul kezdesýde alań ıeleri qatarynan 41-mınýtta Dýman Nárzildaev esep ashsa, 49-mınýtta «Taraz» oıynshysy Tonı Sılva tarazy basyn teńestirdi. Oıyn 1:1 esebimen teń aıaqtaldy.
Al Shymkentte «Ordabasy» komandasy Qaraǵandynyń «Shahterin» qabyldady. Bul kezdesýde qaraǵandylyq klýb sapynan 64-mınýtta Jeremı Manzorro soqqan jalǵyz gol kezdesý taǵdyryn sheshti. «Shahter» 1:0 esebimen jeńiske jetti.
Sondaı-aq, búgin taǵy úsh oıyn ótkizildi. «Qaırat» «Jetisýdy» 3:0, «Qyzyljar» «Oqjetpesti» 3:1, «Tobyl» «Kaspııdi» 2:0 esebimen tize búktirdi.
Endi 4-týr oıyndary 5 shildede ótedi. Bul týrda «Jetisý» men «Ordabasy», «Taraz» ben «Oqjetpes», «Shahter» men «Qaısar», «Tobyl» men «Astana», «Kaspıı» men «Qaırat» komandalary kezdesedi.
