Fýtbol: «Ordabasy» men «Aqtóbe» teń tústi
ASTANA. QazAqparat - Fýtboldan Premer-lıga komandalary arasyndaǵy el birinshiliginiń 25-týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Bul kúngi negizgi kezdesý Shymkentte jergilikti «Ordabasy» men «Aqtóbe» arasynda ótti.
Aqtóbelik klýb úshin jeńis qajet bolatyn. Ol chempıondyqqa múmkindigin arttyra túsetin edi.
Oıyn barysynda aqtóbelik Jerar Goý 16 jáne 40-mınýttarda mergendik tanytty. Ekinshi kezeńde shymkenttik klýbtan Dmıtrıı Borodın 51 jáne 61-mınýttarda penaltıden eki gol engizdi.
Osylaısha kezdesý 2:2 esebimen teń aıaqtaldy.
Sondaı-aq búgin «Kaspıı» (Aqtaý) men «Aqjaıyq» (Oral) 0:0 esebine qanaǵat bildirse, «Taraz» óz alańynda «Tobyl» (Qostanaıǵa) 0:2 esebimen jol berdi.
Endi atalǵan týrdaǵy qalǵan oıyndar 30 qazan kúni ótkiziledi. Bul kúni «Qaırat» (Almaty) pen «Aqsý» (Pavlodar oblysy), «Qyzyljar» (Petropavl) men «Astana», «Atyraý» men «Shahter» (Qaraǵandy), «Turan» (Túrkistan) men «Maqtaral» (Túrkistan oblysy) komandalary kezdesedi.
Eske salsaq, budan buryn «Qaısar» Premer-lıgaǵa joldama aldy.
