Fýtbol: «Ordabasy» Eýropa lıgasyna joldama aldy
ASTANA. QazAqparat - Keler jyly fýtboldan Eýropa lıgasynda Shymkenttiń «Ordabasy» komandasy da synǵa túsetin boldy, dep habarlaıdy QazAqparat tilshisi.
Búgin Qazaqstan kýbogy fınalynda Almatynyń «Qaıraty» «Atyraýdy» jeńdi. Osynyń nátıjesinde «Ordabasy» eýrokýbok oıyndarynda bizdiń elimizdiń atynan qatysatyn tórtinshi komanda boldy.
Jarys erejesine sáıkes «Atyraý» jeńiske jetken jaǵdaıda olar keler jyly Eýropa lıgasy irikteý kezeńinde baq synaıtyn edi. Degenmen olar fınalda «Qaırat» komandasynan 0:1 esebimen jeńilip qaldy. Bıyl el birinshiliginde «Ordabasy» tórtinshi oryn alǵan edi.
Sondaı-aq, keler jyly bıylǵy el chempıony - «Astana» Chempıondar lıgasynda synǵa tússe, ekinshi jáne úshinshi oryn alǵan Almatynyń «Qaıraty» men Qostanaıdyń «Tobyly» Eýropa lıgasy irikteý kezeńine qatysady.
Sońǵy tórt jyldan beri «Astana» Chempıondar lıgasy men Eýropa lıgasy toptyq kezeńderinde el namysyn qorǵap keledi.
Biz budan buryn Qazaqstan kýbogy fınalynda Almatynyń «Qaıraty» «Atyraýdy» jeńgenin habarlaǵan edik.
