Fýtbol: «Ordabasy» eýrokýbok oıyndarynan shettetildi
NUR-SULTAN. QazAqparat - Qazaqstandyq «Ordabasy» (Shymkent) komandasy fýtboldan aldaǵy eki jylda eýrokýbok oıyndarynan shettetildi, dep habarlaıdy QazAqparat UEFA resmı saıtyna silteme jasap.
Bul sheshim komandanyń qarjylyq fair play (FFP) talaptaryn saqtamaý saldarynan týyndap otyr. Atalmysh shekteý 2020/21 jáne 2021/22 jyldardaǵy kezeńderge qatysty.
2021 jyldyń 31 qańtaryna deıin klýb óziniń merzimi ótken kredıtorlyq bereshegi joq ekenin dáleldegen jaǵdaıda qatań talap alynyp tastalady.
Aıta ketsek, UEFA tarapynan komandaǵa 2019 jyldyń 30 qyrkúıeginde aıyppul salynǵan edi.
Bıyl el birinshiliginde «Ordabasy» úshinshi oryn aldy. Ol komandaǵa aldaǵy jyly Eýropa lıgasy irikteý kezeńine qatysýǵa múmkindik týǵyzdy.
UEFA dál osyndaı jaǵdaıǵa baılanysty Slovenııanyń «Olımpııa» (Lıýblıana) jáne Serbııanyń «Tsrvený Zvezdý» (Belgrad) komandalaryna aıyppul salyndy.
Aldaǵy jyly Qazaqstan atynan Eýropa chempıondar lıgasyna elordalyq «Astana» komandasy qatyssa, Eýropa lıgasynda Almatynyń «Qaırat», Qyzylordanyń «Qaısar» komandalary el namysyn qorǵaıtyny belgili. Endi «Ordabasyny» qaı komanda almastyratyny anyqtalady.
Shymkenttik klýb 2018 jyly dál osyndaı jaǵdaıǵa kezikken edi. Sol jyly shymkenttik klýb ornyna eýrokýbokqa Qostanaıdyń «Tobyly» qatysty.
