Fýtbol: Oraldyń «Aqjaıyǵyna» jańadan oıynshylar alyndy
ORAL. QazAqparat – Premer-lıgada óner kórsetetin Oraldyń «Aqjaıyǵyna» jańadan oıynshylar alyndy, dep habarlaıdy QazAqparat tilshisi.
«Aqjaıyq» fýtbol klýby málim etkenindeı, reseılik qaqpashy Stepan Sıkachpen kelisimshartqa qol qoıyldy.
Moldova fýtbolynyń túlegi S.Sıkach sporttyq jolyn jergilikti «Sherıfte» bastap, Reseıdiń «Ahmat», «Salıýt», «Volgar», «Torpedo», «Afıps», grýzııalyq «Kolhetı-1913», «Dınamo» (Tbılısı) jáne «Samtredıa» klýbtarynda oınady.
FNL kýbogynyń ıegeri (2015), kúmis júldegeri (2018), Grýzııa chempıony (2019).
Ýkraınalyq maman Vladımır Mazıar jattyqtyratyn komandada negizgi qaqpashy, onyń otandasy – Sergeı Lıtovchenko. Sondaı-aq «Qaırattyń» túlegi Ilıa Karavaev ta bar.
«Aqjaıyqqa» sondaı-aq 23 jastaǵy grýzııalyq jartylaı qorǵaýshy Lýka Imnadze keldi. Ol «Gýrııa», «Sabýrtalo», «Kolhetı», «Rýstavı», «Samtredıa», «Sabaıl» klýbtarynda dop tepti.
Eske sala keteıik, budan buryn «Aqjaıyqtyń» Oralda «Tarazdy» iri eseppen tize búktirgenin jazǵan bolatynbyz.
Oraldyqtar týrnır kestesinde tórtinshi orynda keledi.
