Fýtbol: Oraldyń «Aqjaıyǵyna» jańa shabýylshy keldi
ORAL. QazAqparat - Oraldyń «Aqjaıyǵyna» ıvýarlyq shabýylshy Idrıssa Kýıate keldi, dep habarlaıdy QazAqparat tilshisi.
«Aqjaıyq» fýtbol klýbynyń baspasóz qyzmetinen túsken málimetke qaraǵanda, Idrıssa Oralaǵa kelgenge deıin Lıvan chempıony Beırýttyń «Al-Ahed» komandasynda dop tepken.
Óz otanynda «Mımozas» klýbynyń akademııasynda fýtbol álippesin úırengen Kýıate bastapqyda Abıdjannyń «Afrıka Sports» kásipqoı komandasyna alynǵan. Eýropa klýbtary ishinde áýeli Belgııanyń «Gent» komandasynda óner kórsetken. 2013 jyly Kýıate «Sfaksen» komandasy quramynda Týnıstiń chempıony atanyp, Afrıkanyń ekinshi dárejeli klýbtyq týrnıri bolyp esepteletin Konfederatsııa kýbogyn jeńip aldy.
Kot-d'Ivýar shabýylshysy sondaı-aq, «Dınamo» (Brest) quramynda Belarýs eliniń birinshiliginde de oınaǵan.
Búgin Kýıate «Aqjaıyq» komandasymen birge alǵashqy jattyǵýyn ótkizdi.
Eske sala keteıik, buǵan deıin premer-lıga surmergenderiniń biri, ýkraınalyq shabýylshy Aderınsola Eseolanyń «Aqjaıyqtan» «Qaıratqa» aýysyp ketkenin jazǵan bolatynbyz.
Qazirgi kezde 17 upaımen el birinshiliginiń týrnır kestesinde jetinshi orynda kele jatqan oraldyqtar 1 shilde kúni óz alańynda chempıonat kóshbasshylarynyń biri - Qostanaıdyń «Tobylyn» qabyldaıdy.
