Fýtbol: Oraldyń «Aqjaıyǵy» oqý-jattyǵý jıynyn Antalıada ótkizbek
ORAL. QazAqparat - Fýtboldan Qazaqstan chempıonatynyń premer-lıgasynda óner kórsetetin Oraldyń «Aqjaıyǵy» sheteldegi alǵashqy oqý-jattyǵý jıynyn 8 qańtardan bastap Antalıa qalasynda ótkizbek, dep habarlaıdy «QazAqparat» tilshisi.
«Aqjaıyq» fýtbol klýbynyń baspasóz hatshysy Arsen Ǵubashevtiń aıtýynsha, bas bapker Vahıd Masýdov bastap baratyn komandada ázirge eshkimmen kelisimshartqa qol qoıylǵan joq.
«Aqjaıyqtan» resmı túrde qorǵaýshy Raqymjan Rozybaqıev qana ketti, ol «Aqtóbe» klýbyna aýysty. Negizinen byltyrǵy quram jáne jańadan shaqyrylǵan oıynshylar Antalıada bas qosady. Jıyrma kúnge sozylyp, 28 qańtar kúni aıaqtalatyn jıyn barysynda komanda quramy anyqtalady. Bas bapker máselesi de sonda sheshiledi. Bári, árıne, qarjyǵa baılanysty», - dedi «QazAqparat» tilshisine Arsen Ǵubashev.
