Fýtbol: Oraldyń «Aqjaıyǵy» «Qaısarmen» teń oınady
ORAL. QazAqparat - Búgin fýtboldan premer-lıga komandalary arasynda el birinshiliginiń 32-týrynda Oraldyń «Aqjaıyǵy» óz alańynda Qyzylordanyń «Qaısaryn» qabyldap, 0:0 esebimen teń tústi, dep habarlaıdy «QazAqparat» tilshisi.
Kezdesý bastalysymen qonaqtar oıyn tizginin qolǵa alyp, biraz shabýyldady. Ásirese, Toqtar Jańǵylyshbaıdyń qaýipti soqqysyn «Aqjaıyqtyń» qaqpashysy Vıacheslav Kotlıar toıtara bildi. Alań ıeleri de qarap qalǵan joq. Birinshi taım sońynda batysqazaqstandyqtar qatty tyqsyrdy. Osyndaı qarbalas sátte nıgerııalyq qorǵaýshy Maıkl Odıbeniń baǵyttaǵan doby qaqpa mańdaıshasynan keri qaıtty.
Ekinshi taımda qos komandanyń da múmkindikteri bolǵanmen, aqyry esep ashylǵan joq. Osylaısha, «Aqjaıyq» 30 upaımen onynshy orynǵa turaqtady. Vahıd Masýdovtyń shákirtterine atyraýlyqtar kómektesti dep aıtýǵa bolady.
«Atyraý» óz alańynda «Tarazdy» 3:2 esebimen utsa, tórtinshi oryn úshin talasqa túsken Pavlodardyń «Ertisi» Kókshetaýdyń «Oqjetpesin» 2:1 esebimen tize búktirdi. Osylaısha, sońǵy týrdyń nátıjesine qaramastan, birinshi lıgaǵa túsip qalǵan qos komanda belgili boldy. Olar - «Taraz» ben «Oqjetpes». «Tarazdyń» esebinde 26, «Oqjetpeste» 24 upaı ǵana bar. Al «Aqjaıyq» toǵyzynshy oryndaǵy «Aqtóbeni» qýyp jetse de, dop aıyrmasy jaǵynan onyń aldyna shyǵa almaıdy. ıAǵnı oraldyqtar premer-lıgada qalý úshin birinshi topta úshinshi oryn alǵan komandamen qosymsha match ótkizedi.
Aıta keteıik, bul týrda «Astana» óz alańynda Almatynyń «Qaıratyna» 0:2 esebimen jol berdi. Sóıtip astanalyqtar men almatylyqtardyń arasyn bir ǵana upaı bólip tur. Bul - chempıondyq másele 5 qarasha kúni sheshiledi degen sóz. Ol, ásirese, astanalyqtarǵa ońaı soqpaıtyn túri bar. Óıtkeni «Astana» 2 qarasha kúni Eýropa lıgasy oıynynda syrt alańda «Makkabı Tel-Avıv» komandasymen kezdesedi. Sodan keıin elge oralatyn astanalyqtar 5 qarasha kúni óz alańynda «Aqjaıyqpen» sheberlik baıqasady. Al «Qaırat» Almatyda «Aqtóbeni» qabyldaıdy.
