Fýtbol: Oralda daryndy jastardyń ósip kele jatqany qýantady - «Aqjaıyqtyń» bas bapkeri
ORAL. QazAqparat - Oralda daryndy jastardyń ósip kele jatqany qýantady. Túrkııada ekinshi oqý-jattyǵý jıynyn ótkizip jatqan «Aqjaıyqtyń» bas bapkeri, ýkraınalyq maman Sergeı Zaıtsev osylaı aıtty, dep habarlaıdy QazAqparat tilshisi.
«Gomel» (Belarýs) komandasymen ótken joldastyq kezdesýden keıin pikirin bildirgen maman jastardyń jaqsy oıyn órnegin kórsetkenine toqtaldy.
«Jastar buryn Qazaqstan birinshiliginiń ekinshi lıgasynda oınasa, búgin Belarýstiń premer-lıgasynda óner kórsetetin klýbqa qarsy turdy. Soǵan qaramastan, kóbirek qorǵanǵanymen, kerek kezinde shabýylǵa shyǵyp otyrdy. Oıyn sońynda bir jarym mınýtta «Aqjaıyqtyń» qaqpasyna soǵylǵan eki gol match taǵdyryn sheship ketti.Degenmen oraldyq jastar tynbaı jattyǵa berse, sheberlikteriniń arta túsetinin kórsetti», dedi S.Zaıtsev.
Endi «Aqjaıyqtyń»Túrkııada bir ǵana kezdesýi qaldy. 6 naýryz kúni «Dnepr» (Ýkraına) klýbymen jasyl alańǵa shyǵady. Sodan keıin komanda quramyn tolyq naqtylap, Oralǵa qaıtady.
Eske sala keteıik, premer-lıgaǵa qaıta oralýdy kózdep otyrǵan «Aqjaıyqtyń» makedonııalyq klýbpen teń túskenin jazǵan bolatynbyz.
