Fýtbol ónerin Brazılııadan meńgerip kelgen jasóspirimderimizge el atynan úlken senim artylady - Q. Bıekenov
ALMATY. QazAqparat - Fýtbol ónerin Brazılııadan meńgerip kelgen jasóspirimderimizge el atynan úlken senim artylady. Bul týraly búgin Almatyda ótken baspasóz máslıhatynda fýtboldan memlekettik jattyqtyrýshy Qaırat Bıekenov málimdedi.
Onyń aıtýynsha, Brazılııanyń Rıberıo-Pretto qalasyndaǵy «Futebol Clube Botafogo» fýtbol klýbynyń «Botafogo Sotsıal Instıtýtyn» sátti aıaqtap, elimizge oralǵan 26 balǵyn fýtbolshynyń aldaǵy taǵdyry óz qoldarynda.
«Qazaqstanǵa oralǵan jas fýtbolshylar ózderiniń sheberlikterin ári qaraı shyńdaýlary úshin QR Mádenıet jáne sport mınıstrliginiń «Ulttyq shtattyq komandalar jáne sport rezervi Dırektsııasy» olardy jumysqa alady. Alǵashqy kezeńde jalaqylyry 500 AQSh dollaryn quraıdy. Ári qaraı olar ter tógip, eńbek etýleri tıis. Eger qandaı da bir fýtbol klýbtary shaqyratyn bolsa, biz oıynshylardy jiberýge daıynbyz. Qalǵandary bizde bolady. Keıin arnaıy irikteýden ótken soń, fýtbolshylar Bapkerler keńesiniń sheshimimen «Baıterek» fýtbol klýby sapynda óner kórsetedi. Myqty oıynshylar fýtboldan ulttyq jastar komandasyna qabyldanady. Mine, sondyqtan fýtbolshylardyń taǵdyry óz qoldarynda. Memlekettiń qoldaýymen olar úsh jyl Brazılııada oqyp keldi. Endi tek jumys isteý kerek. Olarǵa búkil el atynan senim artylady» - dedi Q. Bıekenov.
Aıta ketelik, alǵashqy lek boıynsha 28 oıynshy úshin jylyna el qazynasynan 84 mıllıon teńge bólingen bolatyn. Al 26 oıynshydan turatyn ekinshi lek boıynsha jylyna Brazılııalyq tarapqa 104 mıllıon teńge tólenip kelgen. ıAǵnı, árbir oıynshyǵa ketken aılyq shyǵyn shamamen 2000 AQSh dollaryn quraıdy. Qazir úshinshi lekke irikteý jumystary júrip jatyr.
«Daryndy balalar tizimge alyný ústinde. Aldaǵy jyldyń basynda daıyndyq jumystarynyń ekinshi kezeńi bastalady. Onda balalardyń Brazılııanyń qaı oqý ornyna baratyndyǵy birjola sheshiledi. Bizdiń komıtettiń ókilderi buǵan deıin Brazılııaǵa baryp, birqatar fýtbol akademııalaryn aralap, olardyń oqý baǵdarlamasymen, jattyǵý úderisimen jete tanysyp qaıtqan bolatyn. Ázirge Belý-Orızontı qalasynyń ataqty «Krýzeıro» sport klýbyna basymdyq berilip otyr. Klýb prezıdentimen de kezdesý boldy. Aldyn ala kelisim boıynsha jyldyq tólem 106 mıllıon teńgeni qurap otyr. Sondyqtan endigi daryndy balalarymyz osy «Krýzeıro» klýbynyń fýtbol akademııasyna barýlary múmkin. Bul másele aldaǵy jyldyń basynda sheshildi» - dedi óz sózinde QR Mádenıet jáne sport mınıstrliginiń sport jáne dene shynyqtyrý boıynsha komıteti tóraǵasynyń orynbasary Málik Sapashev.
Aıta ketelik, Brazılııaǵa baryp kelgen fýtbolshylarmen Dırektsııa arasynda da kelisim-shart jasalady. Ony buzǵan oıynshy Brazılııadaǵy oqýyna memleket tarpynan tólengen shyǵyndy óteýi tıis.
