Fýtbol: «Oqjetpes» «Tobyldy» jeńdi
NUR-SULTAN. QazAqparat – Kókshetaýdyń «Oqjetpes» fýtbol klýby qostanaılyq «Tobylmen» kezdesti, dep habarlaıdy QazAqparat.
Joldastyq kezdesý Almaty oblysynda ótti. Qos komanda Almatyda oqý-jattyǵý jıyndaryn ótkizip jatyr.
Búgingi oıyn 1:2 esebimen kókshelik komandanyń paıdasyna sheshildi.
«Match Qazaqstannyń kásibı fýtbol lıgasy talaptaryn saqtap, jabyq formatta ótti. Oıyndaǵy «Tobyldyń» jalǵyz golyn Azat Nurǵalıev soqty. Ol penaltıden múlt ketpedi. Jaqyn arada komanda Qostanaıǵa oralyp, maýsymdy qaıta bastaýǵa daıyndyqty jalǵastyrady», - deıdi «Tobyldyń» baspasóz qyzmetindegiler.
Jaqynda Qazaqstannyń fýtbol klýbtary bıylǵy eýrokýbok jarystaryna qatysý úshin sertıfıkat alǵanyn habarlaǵan edik.
