Fýtbol: «Oqjetpes» óz alańynda «Qaısardan» utyldy
KÓKShETAÝ. QazAqparat - Kókshetaýdyń «Oqjetpes» fýtbol klýby óz alańynda qyzylordanyń «Qaısarynan» 0:1 esebimen utylyp qaldy, dep habarlaıdy QazAqparat tilshisi.
Fýtboldan Olimpbet-Qazaqstan chempıonatynyń 2-shi týrynda «Oqjetpes» fýtbol klýby óz alańynda «Qaısardy» qabyldady. Kezdesýdiń 10-shy mınýtynda qonaqtardyń shabýylshysy Elgýdja Lobjanıdzediń baspen urǵan doby qaqpa torynda týlady. Budan keıin kezdesý aıaqtalǵansha alań ıeleri esepti teńestirýge qansha tyrysqanymen odan esh nátıje shyqpady. Birde «Oqjetpes» shabýylshylary múlt ketse, endi birde dop «Qaısar» qaqpashysynyń qolynan tabyldy.
Bul «Oqjetpes» komandasynyń bıylǵy maýsymdaǵy qatarynan úshinshi jeńilisi. Kezdesýden soń jýrnalıstermen ótken baspasóz konferentsııasynda «Oqjetpes» FK bas jattyqtyrýshysy Andreı Karpovıch komanda jankúıerlerinen keshirim surap, aldaǵy oıyndarda komanda jeńis úshin baryn salatynyn aıtty.
«Jankúıerlersiz oınaý árıne, qyzyqsyz. Bul biz úshin úlken jeńilis. Árıne, nátıjege kóńilimiz tolmaıdy, úıdegi oıynda úsh upaıǵa qol jetkizýdi kózdedik. Ókinishke qaraı, bul joly jolymyz bolmady», - dedi Andreı Karpovıch.
