Fýtbol: «Oqjetpes» komandasy Túrikmenstan prezıdenti kýbogynyń jartylaı fınalyna shyqty
ASTANA. Aqpannyń 26-sy. QazAqparat /Ernur Aqanbaı/ - Osy kúnderi Ashhabadta fýtboldan Túrikmenstan prezıdentiniń kýbogy úshin týrnır ótýde.
Oǵan qatysyp jatqan Kókshetaýdyń «Oqjetpes» komandasy jartylaı fınalǵa shyqty, dep habarlaıdy QazAqparat.
Qazaqstan fýtbol federatsııasynyń málimetinshe, týrnır aıasyndaǵy birinshi oıynynda «Oqjetpes» Lıtva chempıony «Ekranas» komandasymen kezdesip, 1:1 esebimen teń oınady. Ekinshi matchta kókshetaýlyqtar Túrikmenstannyń vıtse-chempıony «Nebıtchı» klýbyn 4:0 esebimen oısyrata jeńdi. Al úshinshi kezdesýinde Qyrǵyzstannyń vıtse-chempıony «Abdysh-«Atoı» komandasymen 0:0 esebimen teń tústi. Nátıjesinde úsh oıynda bes upaı jınaǵan jerlesterimiz jartylaı fınalǵa joldama aldy. «Oqjetpes» endi fınalǵa beriletin joldamany Túrkııanyń jastar quramasymen nemese Túrikmenstan kýbogynyń jeńimpazy «Altyn-Asyr» komandasymen sarapqa salatyn bolady.
