Fýtbol: «Oqjetpes» FK kópten kútken jeńisine qol jetkizdi
KÓKShETAÝ. QazAqparat-QR Premer lıgasynyń 30-shy týrynda Kókshetaýdyń "Oqjetpes" fýtbol klýby óz alańynda "Taraz" komandasyn qabyldady, dep habarlaıdy QazAqparat tilshisi.
Tartysty ótken kezdesýde qos komandanyń da jeńiske jetýge múmkindigi mol boldy. Alaıda, stadıon toly jankúıerleri qamshylaǵan alań ıeleri səl basymdyq tanytty. Jeńis kókshetaýlyqtar úshin aýadaı qajet edi. Osyǵan deıingi matchtardy ózge alańda ótkizip kelgen "Oqjetpes" oıynshylary aşy jeńilisten kóz ashpaǵan bolatyn.
Bul joly oqjetpestikter kúrdeli jóndeý jumystary júrgizilgen óz stadıonynda "Taraz" komandasyn qabyldady. Stadıonǵa jınalǵan "Oqjetpes" jankúıerleri súıikti komandasyna erekshe qoldaý bildirdi. "Oqjetpes" jankúıerleriniń arasynda aımaq basshysy Məlik Myrzalın da boldy.
Osyndaı qoldaýdyń arqasynda kókshetaýlyqtar qonaqtardan 2:1 esebinen basym tústi.
Kelesi kezdesýdi "Oqjetpes" FK óz alańynda Pavlodardyń "Ertis" komandasymen ótkizedi.
