Fýtbol: «Oqjetpes» eki oıyn qatarynan qarsylastaryn iri eseppen jeńdi

ASTANA. QazAqparat - Fýtboldan Premer-lıga komandalary arasyndaǵy el birinshiliginiń 5-týryndaǵy alǵashqy oıyn nátıjesi belgili boldy, dep habarlaıdy QazAqparat tilshisi.

Atalǵan týrdaǵy alǵashqy kezdesýde «Oqjetpes» (Kókshetaý) pen «Aqsý» (Pavlodar oblysy) sheberlik baıqasty.

Kezdesý barysynda kókshetaýlyq klýbtan Srdjan Dımıtrov 20, 60-mınýttarda eki goldyń avtory atansa, Maksım Drachenko 77-mınýtta esepti ústemeleı tústi.

Osylaısha kókshetaýlyq komanda qarsylasynan 3:0 esebimen basym tústi.

«Oqjetpes» eki týr qatarynan qarsylastarynan iri eseppen jeńip keledi. Ótken týrda olar syrt alańda «Atyraýdy» 4:0 esebimen súrindirdi.

https://kaz.inform.kz/news/kyzylzhar-futbol-komandasy-kosh-basyna-shykty_a4052290

Endi 16:00-de «Qyzyljar» (Petropavl) men «Atyraý», «Maqtaral» (Túrkistan oblysy) men «Kaspıı» klýbtary jasyl alańǵa shyǵady.

Al 20:00-de «Qaısar» (Qyzylorda) men «Shahter» (Qaraǵandy) oınaıdy.

Al 9 sáýirde «Qaırat» (Almaty) pen «Jetisý» (Taldyqorǵan), «Tobyl» (Qostanaı) men «Astana», «Ordabasy» (Shymkent) men «Aqtóbe» komandalary kezdesedi.