FÝTBOL: O.Sádýov Qazaqstan jastar quramasynyń bas bapkeri bolyp taǵaıyndaldy
ASTANA. QazAqparat - Qazaqstan fýtbol federatsııasynda bapkerler keńesiniń sheshimimen belgili qazaqstandyq maman Oırat Sádýov 19 jasqa deıingi Qazaqstan jastar quramasynyń bas jattyqtyrýshysy bolyp taǵaıyndaldy.
Qazaqstan fýtbol federatsııasynan túsken málimetke qaraǵanda, Oırat Sádýov kezinde Pavlodardyń «Ertisi» men Qaraǵandynyń «Shahteri» quramynda oınaǵan. keıin Qazaqstan jastar quramasyn, «Ertis», Óskemenniń «Vostogy», «Taraz»,«Astana-1964» komandalaryn jattyqtyrdy. O.Sádýov 19 jasqa deıingi el quramasynyń negizin quraıtyn Astananyń «Báıteregin» qosa baptaıtyn bolady.
Qazaqstan fýtbol federatsııasynyń prezıdenti Erlan Qojaǵapanovtyń atap ótkenindeı, Oırat Bataıuly - óte tájirıbeli de bilikti bapker. «Biz oǵan úlken mindet júkteımiz. Qazaqstan jastar quramasy bıyl Eýropa chempıonatynyń irikteý oıyndaryna qatysady. Qazaqstan Horvatııa, Vengrııa, Chernogorııa komandalarymen bir topta oınaıdy. Biz osy topta ekinshi oryndy ıelenýdi mejelep otyrmyz», dedi E.Qojaǵapanov.
