FÝTBOL: Nurbol Jumasqalıev Qazaqstan Chempıonatynyń rekordyn jańartty
ASTANA. QazAqparat - Qostanaılyq «Tobyldyń» fýtbolshysy Qazaqstan Chempıonatyndaǵy óziniń jeke rekordyn jańartty, dep habarlaıdy atalǵan fýtbol komandasynyń baspasóz qyzmeti.
Aıta keteıik, byltyr Taldyqorǵannyń «Jetisý» komandasyna qarsy oıynda komanda kapıtany - Jumasqalıev 148-shi golyn salyp, eldiń jańa rekordyn ornatqan bolatyn. Osydan az ǵana ýaqyt buryn «Taraz» komandasymen kezdesýinen keıin onyń enshisinde 155 gol bolǵan edi. Jańa maýsymda «Jetisý» komandasymen bolǵan matchta ol bul kórsetkishti ósirip, óz esebine 156-shy goldy jazdy. Osylaısha surmergen Qazaqstan chempıonatynda eń kóp gol salǵan oıynshy retinde kósh bastady. Al odan keıingi satyda 147 gol salǵan Murat Tileshev tur.
Qazaqstan Chempıonatynyń úzdik surmergenderi:
1. Nurbol Jumasqalıev - 156;
2. Murat Tileshev - 147;
3. Oleg Lıtvınenko - 147;
4. Nurken Mázbaev - 142;
5. Andreı Mıroshnıchenko - 115;
6. Ulyqbek Baqaev - 111.
