Fýtbol: Nurálı Álip «Zenıt» sapynda alǵashqy oıynyn ótkizdi
NUR-SULTAN. QazAqparat - Qazaqstandyq fýtbolshy Nurálı Álip «Zenıt» komandasy sapynda Reseı birinshiliginde tusaýkeser oıynyn ótkizdi , dep habarlaıdy QazAqparat tilshisi.
Aıta ketsek, Nurálı Álip bıyl Reseıdiń «Zenıt» komandasyna aýysqan bolatyn.
Reseılik klýb búgin óz alańynda Bashqurstannyń «Ýfa» komandasyn qabyldady. Qarsylasyn 2:0 esebimen tize búktirdi.
Qazaqstandyq fýtbolshy 78-mınýtta brazılııalyq jartylaı qorǵaýshy Vendeldi almastyrdy.
Budan buryn ol Reseı kýbogy 1/8 fınalynda «KaMAZ» komandasyna qarsy oıynda jasyl alańǵa shyqqan edi.
Nuráli Paktuly Álip 1999 jyldyń 22 jeltoqsanynda Aqtaý qalasynda dúnıege kelgen. Buǵan deıin fýtbolshy mansabynda Almatynyń «Qaırat» komandasynda ótkizdi.
Nurálı Álip bıylǵy jyldyń qańtarynda «Zenıttiń» oqý-jattyǵý jıynyna shaqyrtý aldy.
Atlantic Cup kýbogynda Danııanyń «Mıdtıýlland» jáne «Brondbıý» komandalary qaqpasyna eki gol soqty. Ol óziniń jańa klýbynda 28 nómirli jeıdede oıyn kórsetedi.
