Fýtbol: Nıderland quramasy esep ashty
ASTANA. QazAqparat - Elordanyń «Astana Arena» stadıonynda ótip jatqan fýtboldan 2016 jylǵy Eýropa chempıonatynyń irikteý týrnırindegi Qazaqstan-Nıderland arasyndaǵy match barysynda qonaqtar esep ashty.
Oıynnyń 33-shi mınýtynda nıderlandyq fýtbolshy Veınaldým Qazaqstan quramasynyń qaqpasyna gol saldy. Aıta keterligi, oıynnyń 5-shi mınýtynda Baýyrjan Islamhan jaraqat alyp qalǵan bolatyn. Sondyqtan onyń ornyna Qazybek Geterıev shyqty. Matchqa frantsııalyq referı Kleman Týrpen bastaǵan tóreshiler toby qazylyq etýde. Este bolsa, bul tóreshi 2011 jyly Túrkııa-Qazaqstan matchynda qyzmet atqarǵan bolatyn. Sol oıyn 2:1 esebimen túrik fýtbolshylarynyń jeńisimen aıaqtalǵan edi. Al, Týrpen sol kezdesýde 5 sary qaǵaz kórsetip, Túrkııa quramasynyń fýtbolshysy Inan Selchýkti alańnan qýdy. Qazaqstan quramasynyń sapynda Aleksandr Mokın, ıÝrıı Logvınenko jáne Tańat Nóserbaev sary qaǵaz aldy. Sonymen qatar, Qazaqstan quramasynyń qaqpasyna penaltı belgilendi. Alaıda, on bir metrlik aıyp dobyn oryndaǵan Býrak Iylmaz qaqpashy Aleksandr Mokınnen aılasyn asyra almady. 33 jastaǵy frantsııalyq tóreshige otandastary Frederık Kano men Nıkolıa Dano kómektesedi. Tórtinshi tóreshi - Hıshman Zakranı. Tóreshiniń qosymsha kómekshileri - Fredı Fotrel men Benýa Basten.
