FÝTBOL: Messıdiń jankúıerleri onyń 11 jaraqatyn «jatqa biledi»
ASTANA. QazAqparat - Argentınalyq fýtbolshy Leo Messı osy kúnge deıin karerasynda 11 ret jaraqat alǵan eken. Messıdiń jankúıerleri úshin qaharmandarynyń jaraqattaryn sanap, nazarlaryńyzǵa usynýdy jón kórdik, dep jazady sportnews.kz.
Sonymen, birinshi, Leo alǵashqy jaraqatyn 2006 jyldyń 5 aqpanynda «Atletıkoǵa» qarsy oıynda alǵan. Sol ýaqytta aıaǵynyń tamyrlary sozylyp ketkendigi sebepti shabýylshy eki apta alańǵa shyǵa almaǵan edi. Ekinshi, jaraqatynan aıyǵyp, qatarǵa qosylǵan soń, argentınalyq fýtbolshy «Noý Kampta» EChL-da «Chelsıǵa» qarsy ótken oıynda burynǵy jaraqaty qaıta mazalaǵan. Sol sebepti Messı 2,5 aı emdelýge májbúr bolǵan. Úshinshi, 2006 jyldyń 12 qarashasynda ıaǵnı, «Saragosaǵa» qarsy ótken oıynda Messıdiń sol aıaǵy synyp, 3 aıǵa saptan shyqqan bolatyn. Tórtinshi, 2007 jyldyń 14 qyrkúıeginde Argentına Avstralııa quramasyna qarsy oınaǵan kezinde Messıdiń oń aıaǵy tamyrlary tartylyp, bir apta emdeldi. Besinshi, 2007 jyldyń 15 jeltoqsanynda «Valensııaǵa» qarsy oıynda «Barsa» shabýylshysynyń taǵy oń aıaq tamyrlary syr berip, bul joly uzaǵyraq, bir aıǵa alańnan «tys qaldy». Altynshy, Messı EChL-da «Seltıkke» qarsy oıynda aıaǵynan jaraqat alyp, 1,5 aı shamasynda emdelgen bolatyn. Jetinshi, Hosep Gvardıola «Barselonaǵa» bapker bolyp kelgen ýaqytta Leo Messı kóp jaralanbaǵan. Argentınalyq fýtbol juldyzy Pep ustazdyq etken ýaqytta jalǵyz jaraqatyn 2010 jyldyń 19 qyrkúıeginde «Atletıkoǵa» qarsy oıynda alǵan. Segizinshi, Tıto Vılanova dáýirinde de Messı bar-joǵy bir ret jaraqat alǵan. Bul oqıǵa 2013 jyldyń 2 sáýir aıynda EChL-nyń PSJ-ǵa qarsy oıynda bolǵan bolatyn. Messı dopty qaqpaǵa teppek bolǵanda oń aıaǵyn jaraqattap alǵan. Sóıtip, taǵy 1 aptalyq úziliske shyqqan. Toǵyzynshy, jalpy alǵanda Messıdiń osy kúnge deıingi alǵan jaraqattarynyń basym bóligi "Atletıkoǵa" qarsy kezdesýlerde oryn alǵan. Byltyrǵy Ispanııa Sýperkýbogy oıynynda Dıego Godın Messıdiń sanynan teýip, biraz ýaqytqa emdelýge jibergen edi. Onynshy, qyrkúıek aıynda «Almerııaǵa» qarsy ótken oıynda qarsylas klýbtyń qorǵaýshysy Messıdiń oń tizesinen teýip, 3 aptaǵa sapta shyǵarǵan. Messı karerasyndaǵy 11-shi jaraqatyn Ispanııa chempıonatyndaǵy «Betıs» klýbyna qarasy ótken oıynda alǵan. Sol jaraqattan keıin Messı 6-8 apta emdelýge májbúr bolǵan.
