FÝTBOL: Merkel Qazaqstan quramasynda oıyn kórsetpek
ASTANA. QazAqparat - Aleksandr Merkel kelesi jyldan bastap Qazaqstan fýtbol quramasynda oınaýy múmkin, dep jazady sports.kz.
Qazirgi tańda QFF ulttyq qurama qataryna 22 jastaǵy jartylaı qorǵaýshyny aldyrý úshin jumystar júrgizip jatyr.
Aıta keteıik, Aleksandr Merkel Almaty oblysynda dúnıege kelgen. Keıin Reseıge kóship ketip, ol jaqtan 6 jasynda Germanııaǵa qonys aýdarǵan.
Ol Aleksandr «Shtýtgart» klýbynyń jastar komandasynda óner kórsetip, mamandar kózine túsip, Italııaǵa shaqyrtý alady. Áıgili «Mılan» jeıdesinde óner kórsetken Merkel keıin «Djenoa», «Ýdıneze» klýbtarynda oınaıdy. Sońǵy atalǵan komandada qazir de óner kórsetip júr.
A.Merkeldiń ózi Reseı quramasynda oınaǵysy keletinin málimdegenine qaramastan QFF ókilderi jas fýtbolshymen kezdesip, ony fýtbol alańynda Qazaqstannyń namysyn qorǵaýǵa kóndirmek.
