Fýtbol: Maýrısıo Pochettıno «Chelsı» klýbynyń bas bapkeri boldy

QYZYLORDA. QazAqparat - Argentınalyq Maýrısıo Pochettıno anglııalyq «Chelsı» fýtbol klýbynyń bas bapkeri qyzmetine taǵaıyndaldy, dep habarlaıdy QazAqparat tilshisi.

Kelisim-shart 2025 jylǵa deıin jasalǵan jáne ony taǵy bir jylǵa sozýǵa múmkindik bar. Pochettıno jańa qyzmetine 1 shildeden bastap kirise alady.

Bıylǵy jylǵy fýtbol maýsymy sońyna deıin «Chelsıdiń» bas bapkeri mindetin Frenk Lempard atqarady. Ol Grem Potter qyzmetinen ketkennen keıin atalǵan qyzmetke keldi.

Argentınalyq maman budan buryn 2022 jyldyń maýsym aıyna deıin Frantsııanyń «Parı Sen-Jermen» klýbynyń tizginin ustady. Onyń jetekshiligimen komanda Frantsııa chempıonatyn jeńip aldy. Kýbok jáne sýperkýbok ıegeri atandy. Oǵan deıin Pochettıno ıspanııalyq «Espanol», anglııalyq «Saýtgempton» jáne «Tottenhem» komandalaryna jetekshilik etti.

Bıylǵy fýtbol maýsymynyń nátıjesi boıynsha «Chelsı» ulttyq birinshilikte 12-oryn aldy. Anglııa kýbogy jáne Anglııa lıgasy kýbogynyń úshinshi kezeńinde jarys jolynan shyǵyp qaldy. Al Chempıondar lıgasynda shırek fınalǵa deıin jetip, onda eki oıynnyń nátıjesimen Ispanııanyń «Real Madrıd» klýbyna jol berdi.

Eske salsaq, budan buryn fýtboldan Qazaqstan keńeıtilgen quramasyna kimder shaqyrtý alǵany habarlandy.