Fýtbol matchyndaǵy tóbeles: 40 adam zardap shekti
ASTANA. QazAqparat - Fýtboldan Aljır chempıonatynda «MK Aljır» - «ÝSM Bel-Abbes» komandalarynyń arasyndaǵy oıyn sońy tóbeleske ulasyp, 40-qa jýyq adam zardap shekti, dep habarlaıdy AFP agenttigi.
Match "ÝSM Bel-Abbes" komandasynyń basymdyǵymen (1:0) aıaqtaldy.
Jeńilis alań ıeleri jankúıerleriniń ashý-yzasyn týǵyzdy. Olar oryndyqtardy julyp alyp, polıtseılerge laqtyrdy. Saldarynan 22 fanat pen 18 polıtseı zardap shekti. Sondaı-aq 10 polıtsııa kóligi men jedel járdem karetasy qıraǵan.
Sýyq qarý men esirtki tabylǵan 42 jankúıer ustaldy. Aljır quqyq qorǵaý organdary keleńsiz jaǵdaıdy tekserip jatyr.
