Fýtbol matchy kezinde jasóspirimge jaı túsip, mert boldy
ASTANA. QazAqparat - Altaı ólkesi Rýbtsovsk qalasynda stýdenttik komandalar arasynda ótip jatqan match kezinde fýtbolshyǵa jaı túsip, qaza tapty.
Bul týraly TASS RF Altaı ólkesi boıynsha tergeý komıtetiniń baspasóz qyzmetine silteme jasap habarlady.
Naızaǵaı metall qaqpaǵa túsken. Sol sátte bul jerde tórt oıynshy bolǵan. 18 jastaǵy jigittiń oqıǵa ornynda kóz jumǵany jáne taǵy úsh balanyń aýrýhanaǵa jetkizilgeni habarlandy. Olardyń ishinde kámeletke tolmaǵan jasóspirim de bar.
Tergeý komıteti atalǵan fakti boıynsha sotqa deıingi tergeý amaldaryn júrgizip jatyr. Tekserý nátıjesi boıynsha protsessýaldyq sheshim qabyldanady.
