Fýtbol matchy kezinde jarylys bolyp, 9 adam qaza tapty
ASTANA. 26 maýsym. QazAqparat - Iraktyń ońtústiginde eki jasóspirimder komandasy arasyndaǵy fýtbol matchy kezinde jarylys bolyp, 9 adam qaza tapty, taǵy 32 adam jaraqattandy,
dep habarlady ITAR-TASS.
Zardap shekkender jetkizilgen aýrýhana ókilderiniń aıtýyna qaraǵanda, qaza tapqandardyń deni 15-20 jas aralyǵynda sportshylar.
Jarylys dúısenbi kúni keshkisin musylman shıitter kóp turatyn Babıl provıntsııasynyń ákimshilik ortalyǵy El-Hılla qalasyna oryn aldy. Bılik ókilderiniń málimetinshe, match arbıtriniń oıynnyń aıaqtalýyna bergen ysqyryǵynan keıin birden fýtbol alańyndaǵy avtoturaqta turǵan shaǵyn avtobýs jarylyp, kúli kókke ushqan.
