Fýtbol matchy kezinde jankúıerdiń qolyndaǵy granata jaryldy
ASTANA. QazAqparat - Makedonııada fýtbol chempıonatynyń birinshi týrynyń «Pelıster» jáne «Vardar» klýbtarynyń arasyndaǵy match kezinde jaryq-shýly granata jarylǵan.
Oıyn 3 tamyz kúni bolǵan. Dodanyń sońǵy mınýttarynda «Vardar» klbýynyń jankúıerleri men polıtseılerdiń arasynda qaqtyǵys oryn alǵan. Dúrbeleń kezinde polıtsııa qyzmetkerleriniń biri qolynan jaryq-shýly granatany túsirip alǵan. Snarıadty jankúıerlerdiń biri qolyna alǵan sátte ol jarylyp ketken. Saldarynan jankúıer qolynan aıyryldy. Sondaı-aq onyń janynda bolǵan birneshe adam da jaraqattanǵan. Oqıǵanyń sebep-saldaryn Makedonııanyń ishki ister mınıstriligi teksermek. Matchta «Vardar» komandasy 1:0 esebimen jeńiske jetkenimen, onyń ókili «jankúıerlerimiz zardap shegip jatsa, ondaı jeńistiń esh máni joq» ekenin jetkizgen, dep jazady 101greatgoals.com.
