Fýtbol matchtarynan beınejazbalardy áleýmettik jelilerde jarııalaýǵa tyıym salynady
ASTANA. QazAqparat - Aǵylshyndyq fýtbol premer-lıgasy oıyn jankúıerlerine soǵylǵan gol jaıly resmı emes beınejazbalardy ǵalamtorǵa ornalastyrýǵa tyıym salýǵa nıetti, dep habarlaıdy Bı-bı-sı.
Álem chempıonaty kezinde jankúıerler áleýmettik jelilerge matchtardan túsirgen myńdaǵan beınerolıkter salǵan. Senbide fýtboldan jańa maýsym bastalady, sondyqtan osyndaı vıdeolar jelilerde qaptap keteri sózsiz. Alaıda fýtbol sheneýnikteri avtorlyq quqyqpen qorǵalatyn materıaldardy taratý zańǵa qaıshy keletinin aıtyp, jankúıerlerdi mundaı qadamǵa barmaýǵa shaqyrýda. «Túsinemin, bul olardyń kóńil-kúılerine keri áser etýi múmkin, alaıda biz avtorlyq quqyqty qorǵaýǵa májbúrmiz», - deıdi premer-lıganyń jurtshylyqpen baılanys bóliminiń basshysy Den Djonson.
