Fýtbol matchtarynda endi kók qaǵaz da kórsetiledi
Halyqaralyq fýtbol qaýymdastyǵy keńesi (IFAB) oıyn erejelerine kók kartochkalardy engizdi. Bul týraly The Telegraph gazeti jazdy.
Derekkózdiń aıtýynsha, kók kartochka kórsetilgen oıynshy 10 mınýtqa oıynnan shettetiledi, bir matchta eki ret kók qaǵaz alý – oıynnan shyǵýmen teń, ıaǵnı oıynshyǵa qyzyl qaǵaz kórsetiledi.
Ázirge jańa ereje áıelder men jasóspirimder fýtbolynda, sondaı-aq tómengi lıga jarystarynda synaqtan ótedi. Sonymen birge, Anglııa fýtbol qaýymdastyǵy kelesi maýsymda óz jarystarynda bul erejeni engizýge nıetti.
Bastapqyda tóreshilermen shekten tys daýlasyp, taktıkalyq buzýshylyqtar jasaǵan oıynshylar úshin kórsetiletin kartany qyzǵylt sary túske boıaý usynysy bolǵan.
Alaıda keıinirek ol basqa kartalardyń tústerine - sary jáne qyzylǵa uqsamas úshin kókke boıaý týraly sheshim qabyldanǵan.
