Fýtbol matchy kezinde translıatsııanyń úzilý oqıǵasy qaıtalanbaıdy — mınıstrlik

ASTANA. KAZINFORM — Fýtbol matchtary kezinde translıatsııa úzilmes úshin telearna men «Qazaqtelekom» kompanııasy tehnıkalyq múmkindigin kúsheıtti. Bul týraly Jasandy ıntellekt jáne tsıfrlyq damý vıtse-mınıstri Dosjan Musalıev málim etti. 

Búgin Úkimet otyrysynan keıingi baspasóz máslıhatynda tilshiler «Qaırat» — «Real Madrıd» matchy kezinde nelikten translıatsııa úzile bergenin surady.

— Árıne, bul kezdesý barshamyz úshin eleýli oqıǵa boldy. Real — ol álemge áıgili komanda. Bizdiń bilýimizshe, keıde onyń oıynyn tamashalaıtyn adamdardyń sany 1 mlrd-qa deıin jetedi. Match kezinde Qazaqstan telearnasynyń ınternet portalynda sondaı oqıǵa boldy (translıatsııanyń úzilýi). Biraq efırdi kabeldik telearna, spýtnıktik telearna kórsetip turdy. Atap aıtqanda, naryq ózgerip jatyr, halyq negizinen telearnany emes, ınternetti kóbirek qaraı bastady, — dedi Dosjan Musalıev.

Onyń aıtýynsha, «Qaırat» — «Real Madrıd» matchy barysynda kórermender sany mıllıondap artqan.

— Mundaı jaǵdaı bizde bolmaǵan edi. Degenmen, osy oqıǵadan keıin sabaq alyp, Qazaqstan telearnasy «Qazaqtelekom» kompanııasymen birlese tıisti sharalardy qabyldady. Ózderiniń serverlik qýatyn kóterdi. Sondyqtan bolashaqta mundaı oqıǵalar bolmaıdy, — dedi vıtse-mınıstr.

Eske salaıyq, buǵan deıin Іshki ister mınıstriniń orynbasary Sanjar Ádilov Almatydaǵy «Qaırat» — «Real Madrıd» kezdesýi qarsańynda bıletterdiń zańsyz satylýyna qatysty pikir bildirgen edi. 

Buǵan deıin matchy kezinde translıatsııa úzilip, kórermender narazylyq bildirgeni habarlanǵan.