Fýtbol: Maradona 2014 jylǵy álem chempıonatyn júrgizetin bolady
ASTANA. QazAqparat - Ataqty argentınalyq shabýylshy Dıego Maradona shtab-páteri Venesýelada ornalasqan latynamerıkandyq "Telesýr" telearnasy úshin fýtboldan 2014 jylǵy álem chempıonatynyń oıyndarynan reportajdar daıyndaıtyn boldy.
Bul týraly jergilikti BAQ málim etti.
«Men óz ómirimdegi asa mańyzdy jáne kóńil tolqytarlyq kelisimshartqa qol qoıdym»,-delingen aty ańyzǵa aınalǵan fýtbolshynyń habarlamasynda.
Aıta keter jaıt, álem chempıonaty kezinde Maradona reportaj júrgizip qana qoımaı, ótken ár oıynnyń mańyzdy tustaryna saraptama jasaıdy.
Eske sala ketsek, fýtboldan 2014 jylǵy álem chempıonaty Brazılııada 12 maýsym men 13 shilde aralyǵynda ótedi.
