Fýtbol: «Manchester ıÝnaıtedtiń» jankúıerleri «Lıverpýlmen» ótetin matchty boldyrmaı tastady
NUR-SULTAN. QazAqparat – Aǵylshyn fýtbol klýbtary – «Manchester ıÝnaıted» jáne «Lıverpýl» arasyndaǵy josparlanǵan match bolmaı qaldy. Oǵan Manchesterdegi «Old Trafford» stadıonyna 200-ge jýyq jankúıer basyp kirip, klýb ıeleri – amerıkalyq Gleızer otbasyna narazylyǵyn bildirýi sebep boldy, dep habarlaıdy QazAqparat BBC-ge silteme jasap.
Match 2 mamyr, jeksenbi kúni brıtanııalyq ýaqyt boıynsha saǵat 16:30 bastalýy kerek edi. Matchtyń endigi ótetin kúni áli anyqtalmady. Klýbtar arasynda kelissózder júredi.
Anglııa Premer-lıgasynyń ókili matchtyń keıinge aýystyrylýyn «polıtsııanyń, eki klýbtyń jáne Premer-Lıganyń birlesken sheshimi» boldy dep málimdedi.
Bul Premer-lıga matchynyń alǵash ret bolmaı qalýy. Ótken aıda «Manchester ıÝnaıted» ıeleri Eýropalyq Sýper lıgaǵa qosylýǵa tyrysty, alaıda jankúıerlerdiń jappaı narazylyǵynan keıin olar bul oıdan bas tartty.
Karantın shekteýlerin qatań saqtap, MıÝ men Lıverpýl oıyny da bos stadıonda ótýi kerek edi. Alaıda júzdegen jankúıer alańǵa kirip ketken. Polıtsııa olardy qýyp jiberdi, biraq arada azdaǵan ýaqyt ótkende olardyń keıbireýleri alańǵa qaıta júgirip shyqqan.
«Manchester ıÝnaıted» pen «Lıverpýl» oıynshylary tártipsizdik bastalǵan kezde stadıonǵa qonaq úılerinen áli shyǵyp úlgermegen.
«Bizdiń ustanymymyz – oıyndy ótkizý nemese ótkizbeý týraly sheshim qabyldaǵan kezde qoǵamdyq qaýipsizdik birinshi orynda bolýy kerek. Stadıonnyń qatysýshylary da, qyzmetkerleri de, basqa da resmı tulǵalar tolyq qaýipsizdikte bolýy kerek. Ókinishke oraı, oǵan kepildik berý múmkin bolmady», – delingen klýbtyń resmı málimdemesinde.
