Fýtbol: «Manchester ıÝnaıted» 6 jyldan keıin alǵashqy tıtýlyna qol jetkizdi

ASTANA. QazAqparat - Anglııanyń «Manchester ıÝnaıted» klýby Lıga kýbogyna qol jetkizdi. Bul - jańa bapkeri Erık ten Hag jetekshiligimen qol jetkizgen alǵashqy tabysy. Komanda buǵan deıin 5 jyl 278 kún boıy eshqandaı tıtýlǵa qol jetkize almaı keldi, dep habarlaıdy QazAqparat tilshisi.

Manchesterlik klýb Anglııa lıgasynyń kýbogynyń sheshýshi oıynynda «Nıýksal» komandasyn 2:0 esebimen tize búktirdi. Sońǵy márte «qyzyl aıdaharlar» 2017 jyldyń mamyrynda joǵary tabysqa qol jetkizdi. Sol joly Joze Moýrınomen birge Eýropa lıgasy jeńimpazy atandy.

«Manchester ıÝnaıted» klýbynda qazir bapker qyzmetin atqaratyn nıderlandtyq Erık Ten Hag osylaısha jańa komandasymen alǵash ret joǵary bıiktikti baǵyndyrdy. Ol jańa maýsym aldynda komanda tizginin ustaǵan bolatyn.

Nátıjesinde nıderlandtyq bapker qazirge deıin 7 tıtýlǵa qol jetkizdi. Onyń 6-da óz eliniń «Aıaks» klýbymen birge zor tabysqa keneldi.

«Manchester ıÝnaıted» qazir Eýropa lıgasynda synǵa túsip keledi. Olar 23 aqpanda atalǵan týrnırdiń pleı-off kezeńinde mańyzdy oıyn ótkizip, ıspanııalyq «Barselona» komandasyn orta jolda qaldyryp ketti.

Eske salsaq, Eýropa chempıonaty irikteý satysynda Qazaqstan quramasynyń aldaǵy eki oıyny qashan ótetini belgili boldy.