Fýtbol: «Maqtaral» onynshy orynǵa kóterildi

Búgin, 23 qyrkúıekte fýtboldan Premer-lıga komandalary arasyndaǵy Qazaqstan birinshiliginde 22-týrdyń alǵashqy eki oıynnyń nátıjesi belgili boldy, dep habarlaıdy QazAqparat tilshisi.

Atalǵan týrdaǵy alǵashqy kezdesý «Qyzyljar» (Petropavl) men «Aqtóbe» komandalary arasynda ótti. Oıyn 0:0 esebimen aıaqtaldy.

Taǵy bir kezdesýde Túrkistan oblysynyń «Maqtaraly» óz alańynda Pavlodar oblysynyń «Aqsý» klýbyn qabyldady.

Kezdesý barysynda alań ıelerinen Saǵadat Tursynbaı 13, Serj Nıýadzı 95-mınýtta gol soqty.

Osylaısha «Maqtaral» qarsylasynan 2:0 esebimen basym túsip, týrnır kestesinde onynshy orynǵa kóterildi.

Sondaı-aq, búgin elorda ýaqytymen 19.00-de «Qaırat» (Almaty) pen «Shahter», 20.00-de «Qaısar» (Qyzylorda) men «Kaspıı» (Aqtaý) sheberlik baıqasady.

Al 24 qyrkúıekte elorda ýaqytymen 15.00 «Oqjetpes» (Kókshetaý) men «Atyraý», 18.00 «Tobyl» (Qostanaı) men «Jetisý» (Taldyqorǵan), 19.00-de Ordabasy» (Shymkent) men «Astana» jasyl alańǵa shyǵady.