Fýtbol: «Maqtaral» men «Qaısar» teń tústi

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 15-týrynda taǵy eki oıynnyń nátıjesi belgili boldy, dep habarlaıdy QazAqparat tilshisi.

Túrkistan oblysynyń «Maqtaraly» Qyzylordanyń «Qaısar» komandasyn qabyldady.

Kezdesý barysynda 12-mınýtta túrkistandyq klýbtan Anton Shramchenko esep ashqan edi. Oǵan 21-mınýtta qyzylordalyq komandadan Valerıı Prındeta bir golmen jaýap qaıyrdy.

Oıynnyń 94-mınýtynda «Maqtaral» shabýylshysy Ramazan Kárimov penaltıden múlt ketken joq. Al 97-mınýtta Valerıı Prındeta tarazy basyn teńestirdi.

Kezdesý 2:2 esebimen teń aıaqtaldy.

Al qaraǵandylyq «Shahter» óz alańynda «Aqtóbege» 0:1 esebimen jol berdi.

Dál qazir «Atyraý» men «Ordabasy» kezdesýi ótip jatyr. Birinshi kezeńnen keıin atyraýlyq ujym 1:0 esebimen jeńýde.

Aıta ketsek, budan buryn almatylyq «Qaırat» Kókshetaýdyń «Oqjetpesin» 1:0 esebimen jeńdi.

Endi 16 shildede 20:00-de «Kaspıı» (Aqtaý) pen «Jetisý» (Taldyqorǵan) oınaıdy.

Bul týrdaǵy «Aksý» (Pavlodar oblysy) men «Astana» kezdesýi 24 mamyrda ótkizilip, elordalyq komanda 1:0 esebimen basym tústi.

Endi 27 qyrkúıekte «Qyzyljar» (Petropavl) men «Tobyl» (Qostanaı) jasyl alańǵa shyǵady.