Fýtbol: Magomed Adıevpen kelisimshart merzimi uzartyldy
Bul jóninde Qazaqstan fýtbol federatsııasynan málim etti. Jańa kelisimshart 2024 jyldyń sońyna deıin belgilengen.
«Qazaqstan quramasynyń Ulttar lıgasyndaǵy jeńisi otandyq fýtboldyń tarıhyna endi. Tájirıbeli bapker Magomed Musaulyn shaqyryp, alǵashqy mindetterdi oryndaı aldyq. Endi maqsat – 2024 jylǵy Eýropa chempıonatynyń irikteý kezeńi men ótpeli oıynda joǵary nátıjege qol jetkizý», - dedi federatsııa prezıdenti Ádilet Barmenqulov.
Aıta keteıik, Magomed Adıev Qazaqstan ulttyq quramasynyń bas bapkeri bolyp bıyl mamyr aıynda taǵaıyndaldy. Onyń jetekshiligimen ulttyq qurama ÝEFA Ulttar lıgasynyń S dıvızıonynda óz tobynda birinshi oryn aldy. Nátıjesinde, aldaǵy ýaqytta atalǵan týrnırdiń V dıvızıonynda oınaýǵa múmkindik týdy.
Sondaı-aq, kelisimshartqa qol qoıǵannan keıin Magomed Adıev pikir bildirdi.
«Federatsııa basshylyǵyna senim bildirgeni úshin, komandaǵa jankeshti oıyn, jankúıerlerge qoldaý kórsetkeni úshin alǵys aıtamyn. Biz basty mindet – «V» Lıgasyna shyǵý josparyn oryndadyq. Endi 2024 jylǵy Eýropa chempıonatynyń aldaǵy oıyndarynda jańa jetistikterge jetý úshin quramamen jumysty jalǵastyrǵym keledi», - dedi ol.
Eske salsaq, búgin Qazaqstan kýboginde «Ordabasy» klýby jeńimpaz atandy.
