FÝTBOL: Madrıdtiń «Real» klýbyna jańa bapker taǵaıyndaldy
ASTANA. QazAqparat - Rafael Benıtes Madrıdtiń «Real» fýtbol klýbynyń jańa bas bapkeri bolyp taǵaıyndaldy.
AS-tiń habarlaýynsha, koroldik klýb pen ıspandyq jattyqtyrýshynyń kelisimshart merzimi 3 jyldy quraıdy. R. Benıtestiń jalaqysy jylyna 4 mıllıon eýro bolmaq.
Rafael Benıtesti «Realdyń» bas bapkeri retinde resmı tanystyrý rásimi erteń, 3 maýsym kúni ótedi dep habarlanýda.
Esterińizge sala keteıik, bıylǵy maýsymda madrıdtik «Real» birde-bir kýbokke qol jetkize almaǵan soń, ıtalıandyq Karlo Anchelottıdi otstavkaǵa jibergen edi. Ispanııa chempıonatynda komanda ekinshi oryn alsa, Chempıondar lıgasynda jartylaı fınalda súrindi. Sondaı-aq el kýbogynda da koroldik klýb alysqa bara almady.
Rafael Benıtes sońǵy eki jyl boıy Italııada «Napolı» klýbyn jattyqtyrǵan bolatyn. Buǵan deıin ol «Valensııamen» eki márte Ispanııa chempıony atansa, aǵylshynnyń «Lıverpýl» komandasymen 2005 jyly Chempıondar lıgasynda, «Chelsımen» Eýropa lıgasynda top jardy.
