Fýtbol: «Lokomotıv» Premer-lıgadaǵy qalǵan matchtaryn «Astana-Arena» stadıonynda ótkizedi
ASTANA. Qazannyń 22-si. QazAqparat /Ernur Aqanbaı/ - Fýtboldan Astananyń «Lokomotıv» komandasy Premer-lıgadaǵy qalǵan matchtaryn «Astana-Arena» stadıonynda ótkizetin bolady,
dep habarlaıdy QazAqparat.
«Lokomotıv» qazannyń 25-inde Qyzylordanyń «Qaısar», al qarashanyń 2-sinde Sátbaevtyń «Qazaqmys» komandalaryn qabyldaıdy. Qos match ta elorda ýaqyty boıynsha saǵat 15:00-de bastalady. Atap óterligi, fýtbol jankúıerleri bul oıyndarǵa tegin kire alady.
Premer-lıganyń kúntizbesine sáıkes, «Lokomotıv» 24 oıynnan keıin 54 upaı jınap, ázirge birinshi orynda keledi. Ekinshi orynda 22 oıynnan soń 53 upaı enshilegen ótken maýsymdaǵy el chempıony - «Aqtóbe» tur. Qaraǵandynyń «Shahter» komandasy 23 kezdesýden keıin 51 upaımen úshinshi orynda tur.
