Fýtbol: Lıtva quramasynyń oıynshysy «Aqjaıyqqa» alyndy

ORAL. QazAqparat – Lıtva quramasynyń jartylaı qorǵaýshysy Sımonas Ýrbıs Oraldyń «Aqjaıyǵyna» alyndy, dep habarlaıdy QazAqparat tilshisi.

«Aqjaıyq» fýtbol klýbynyń baspasóz qyzmeti málim etkenindeı, oıynshymen kelisimshartqa qol qoıyldy.

Osyǵan deıin 26 jastaǵy jartylaı qorǵaýshy óz elinde «Banga», «Ekranas», «Atlantas», «Palanga», «Jalgırıs» jáne «Kaýno Jalgırıs» komandalarynda dop tepti. Lıtva ulttyq quramasynyń sapynda da oınady.

Ótken jyly «Banga» quramynda 34 matchta 11 gol soǵyp, 4 nátıjeli pas berdi.

Qazirgi kezde Túrkııada oqý-jattyǵý jıynyn ótkizip jatqan «Aqjaıyq» «Napredak» (Serbııa) klýbymen baqylaý oıynynda 0:1 esebimen qarsylasyna jol berdi.

Komanda quramynda basqa da fýtbolshylar qaralymnan ótýde.

Ótken jylǵy maýsymda oraldyq klýb premer-lıgada 9-orynnan kóringen edi.

Eske sala keteıik, budan buryn «Aqjaıyq» fýtbol klýby bas bapkeriniń taǵy bir maýsymǵa qalatyn bolǵanyn jazǵan edik.