Fýtbol: Lıonel Messıdiń koronavırýs juqtyrǵany anyqtaldy
NUR-SULTAN. QazAqparat – «Parı Sen-Jermen» klýbynyń, sondaı-aq Argentına quramasynyń shabýylshysy Lıonel Messı koronavırýs juqtyrdy, dep habarlaıdy QazAqparat tilshisi.
Atalmysh klýbtyń resmı saıtynan málim bolǵanyndaı, COVID-19-ǵa tapsyrǵan tórt oıynshydan vırýs anyqtaldy.
L.Messıge qosa Hýan Bernat, Serhıo Rıko jáne Natan Bıtıýmazaladan koronavırýs tabylǵan. Olardyń bári de oqshaýlanýǵa jiberildi.
«PSJ» shabýylshysy, brazılııalyq Neımar óz Otanynda qalpyna kelý ústinde. Ol úsh aptadan keıin jattyǵýǵa kirisedi delinip otyr.
«Parı Sen-Jermen» Frantsııa chempıonatynda 19 kezdesýden keıin 46 upaı jınap, týrnır kestesinde kósh bastap keledi. Ótken jyly «Lıll» chempıon atanǵany belgili. Alaıda ol nebári 28 upaımen segizinshi orynda keledi.
Kelesi týrda «PSJ» syrt aıdynda 9 qańtar kúni «Lıon» komandasymen oınaıdy.
