Fýtbol Qytaı mektepterine negizgi pán retinde engiziledi
ASTANA. QazAqparat - Qytaı Prezıdenti Sı Tszınpın óz elinde fýtboldy damytý jáne áıgileý úshin arnaıy baǵdarlama daıyndady, dep jazady sheteldik BAQ.
Sı Tszınpınniń aıtýynsha, bul qadam Qytaıdyń álem chempıonatyna qatysýyna, týrnırler ótkizip, onda jeńýine múmkindik beredi.
Sondaı-aq fýtbol negizgi pán retinde mektepterde oqytylatyn bolady. Baǵdarlamdaǵy josparǵa sáıkes 2017 jylǵa qaraı 20 myń qytaılyq mektepte fýtbolǵa arnalǵan jańa alańdar men bazalar salynady. Budan bólek, 2016 jyly ýnıversıtetke túsý kezinde abıtýrıentter óz qalaýlary boıynsha fýtboldan emtıhan tapsyra alady.
Aıta keteıik, qazirgi kezde Qytaı FIFA reıtıngi boıynsha 88-orynda tur. Olar tek bir ret qana - 2002 jyly ǵana álem chempıonatyna qatysty.
