Fýtbol: Krıshtıaný Ronaldý quramalar tarıhynda rekordtyq nátıjege qol jetkizdi
NUR-SULTAN. QazAqparat – Portýgalııalyq surmergen Krıshtıaný Ronaldý 110-dobyn soǵyp, quramalar tarıhyndaǵy rekordtyq kórsetkishke qol jetkizdi, dep habarlaıdy QazAqparat tilshisi.
2022 jylǵy álem chempıonatynyń irikteý saıysynda Portýgalııa quramasy óz alańynda Irlandııany qabyldady.
Aldymen 45-mınýtta ırlandııalyq Djon Egan esep ashqanymen, match sońynda K.Ronaldý myqtylyǵyn tanytty. Ol 89-mınýtta tarazy basyn teńestirip, óziniń qurama sapyndaǵy 110-golyn soqty. Osylaısha Ronaldý óz sporttyq jolynda qarsylastar qaqpasyna 109 dop engizgen ırandyq shabýylshy Alı Daeıdiń kórsetkishinen asyp tústi.
Al 96-mınýtta Ronaldý taǵy bir goldyń avtory atanyp, komandasyna jeńis áperdi. Birinshi taımda 15-mınýtta onyń tepken 11 metrlik aıyp dobyn ırlandııalyq qaqpashy Gevın Bazýný qaıtarǵan bolatyn.
Portýgalııa quramasy A tobynda 10 upaımen birinshi orynda keledi.
Budan buryn K.Ronaldý Italııanyń «ıÝventýs» komandasynan aǵylshynnyń «Manchester ıÝnaıted» klýbyna qaıta oralǵan edi.
Eske sala keteıik, budan buryn Qazaqstan quramasynyń Ýkraınamen taǵy da teńeskenin jazǵan bolatynbyz.
