Fýtbol: QR Prezıdentiniń kýbogy úshin týrnırde Astananyń «Tsesna-94» klýby jarysty sátti bastady
ASTANA. Sáýirdiń 28-i. QazAqparat /Ernur Aqanbaı/ - Elordadaǵy «Astana-Arena» stadıonynda fýtboldan jasóspirimder arasynda QR Prezıdentiniń kýbogy úshin dástúrli týrnır ótýde.
Bul jarysta el namysyn qorǵap jatqan Astananyń «Tsesna-94» komandasy jarysty sátti bastady, dep habarlaıdy QazAqparat.
«A» tobyndaǵy bizdiń komanda birinshi oıynynda Qytaıdyń Shyńjań-Uıǵyr Avtonomııalyq Respýblıkasy komandasyn 3:2 esebimen jeńdi, ekinshi matchta Ózbekstannyń «Býnedkor» (Tashkent) klýbynan 1:0 esebimen basym tústi. «Tsesna-94» kelesi oıynyn Reseıdiń «Zenıt» (Sankt-Peterbor) komandasymen ótkizedi.
Týrnırde barlyǵy segiz komanda qatysýda. Olar: Qazaqstannyń «Tsesna», Reseıdiń «TsSKA» jáne «Zenıt», Túrkııanyń «Galatasaraı», Ázirbaıjannyń «Baky», Ózbekstannyń «Býnedkor» komandalary jáne Qytaıdyń Shyńjań-Uıǵyr Avtonomııalyq Respýblıkasy men Serbııanyń jasóspirimder quramalary.
Alǵashqy eki oıyn kúniniń nátmjeleri mynadaı: «Zenıt»-«Býnedkor» 2:1, Serbııanyń jasóspirimder quramasy - «Baky» 10:0, «TsSKA»-«Galatasaraı» 3:2, «TsSKA»- Serbııanyń jasóspirimder quramasy 2:3, «Galatasaraı»-«Baky» 3:2, «Zenıt» - Shyńjań-Uıǵyr Avtonomııalyq Respýblıkasy 7:0. Erteń toptyq týrnırdiń sońǵy oıyndary oınalady. Al, sáýirdiiń 30-da 7-shi, 5-shi, 3-shi oryndar úshin oıyndar jáne fınaldyq match ótedi. Aıta keteıik, osymen úshinshi márte ótkizilgelip otyrǵan jarysty Qazaqstan fýtbol federatsııasy men «Nur Otan» partııasy uıymdastyrýda. Bıyl bul týrnırge 1994 jyldan beri týylǵan jasóspirim fýtbolshylar qatysýda. Týrnırde jeńimpaz atanǵan komanda - 10 myń, ekinshi oryn alǵan komanda - 6 myń, úshinshi oryn alǵan komanda - 3 myń AQSh dollaryn alady.
Bul týrnır osymen úshinshi márte uıymdastyrylyp otyr. Alǵashqy ekeýi 2008 jáne 2009 jyldary Almatyda ótti. Birinshi týrnırde Túrkııanyń «Beshıktash» komandasy, al ekinshisinde Brazılııanyń «Ole Brazıl Klab» klýby kýbokty jeńip aldy.
