FÝTBOL: QR quramasynyń burynǵy jattyqtyrýshysy Krasnojan «Kýbandi» basqarýy múmkin
ASTANA. QazAqparat - Krasnodarlyq klýbtyń («Kýban») bas jattyqtyrýshysy Sergeı Tashýev otstavkaǵa ketýi múmkin. «Izvestııa» taratqan aqparat boıynsha, «Kýban» fýtbol klýbynyń menedjmenti komanda ishindegi atmosferaǵa kóńili tolmaıdy.
Komandany endi «Lokomotıv», «Anjı» jáne «Terektiń» burynǵy jetekshisi ıÝrıı Krasnojan basqarýy ábden múmkin.
52 jastaǵy maman 2012 jyldyń ekinshi jartysynda «Kýbanmen» jumys istep, onyń eýrokýbokqa ótýine kómektesken. Sol kezde krasnodarlyqtar Reseıdiń 2012-2013 jylǵy chempıonatynda tórtinshi oryn ıelengen edi. Al qańtarda Krasnojan kenetten klýbtyń sporttyq dırektory Sergeı Doronchenkomen kelispeýshiliginen keıin qyzmetten bosatyldy. Onyń ornyna Leonıd Kýchýk kelgen soń maýsym qorytyndysy boıynsha komanda besinshi oryn alyp, Eýropa Lıgasyna shyqqan bolatyn, dep jazady «Izvestııaǵa» siltememen sports.kz.
Krasnojan ózi týǵan Nalchıkte jumys istep turǵan kezinde tanymal boldy. 2005 jyly ol jergilikti «Spartakty» premer-lıgaǵa ótkizip, odan keıin RFPL-da eń az bıýdjetine qaramastan, bes maýsym boıy ony joǵarǵy dıvızıonda ustap turǵan.
2010 jylǵy chempıonatta spartakshylar altynshy orynda bolǵan, budan keıin ol máskeýlik «Lokomotıvti» basqardy. Krasnojan bul klýbta qol jetkizgen jaqsy kórsetkishterine qaramastan, jarty jyldan keıin jumystan shyǵaryldy. Keıin ol qysqa ýaqyt mahachkalalyq «Anjı» men Groznyıdyń «Tereginde» qyzmet etip, 2016 jylǵy Eýropa chempıonatynyń irikteý kezeńinde Qazaqstan quramasyn basqaryp, odan 2015 jyldyń jeltoqsanynda ketti.
