Fýtbol: Kovtalıýktyń úsh doby «Aqjaıyqqa» jeńis áperdi
ORAL. QazAqparat – Fýtboldan Qazaqstan chempıonatynyń toǵyzynshy týrynda Oraldyń «Aqjaıyǵy» óz alańynda «Jetisý» komandasyn qabyldady, dep habarlaıdy QazAqparat tilshisi.
Buǵan deıin oraldyqtar týrnır kestesinde 9 upaımen toǵyzynshy orynda kele jatsa, taldyqorǵandyqtar kósh sońynda edi.
Match alań ıelerimen shabýylymen bastaldy. Aldymen Eldar Abdrahmanov tamasha múmkindikti múlt jiberdi.
Degenmen 22-mınýtta dál osy Eldardan pas alǵan ýkraınalyq shabýylshy Nıkolaı Kovtalıýk «Aqjaıyq» sapyndaǵy alǵashqy golyn soqty. Budan keıin de ýkraınalyq maman Vladımır Mazıar shákirtteriniń esepti eseleıtin múmkindikteri boldy. «Jetisý» qaqpasy Andreı Shabanov qaýipti soqqylardy qaıtara bildi.
Birinshi taım sońynda dop Erkin Tapalovtyń qolyna tıip, aıyp doby belgilendi. Ony 43-mınýtta tájirıbeli qorǵaýshy Aleksandr Kıslıtsyn dál oryndap, tarazy basyn teńestirdi – 1:1.
Ekinshi taımda Ivan Antıpovtan keremet pas alǵan N.Kovtalıýk 51-mınýtta dopty alǵa shyǵyp ketken A.Shabanovtan asyra saldy – 2:1.
Budan keıin A.Kıslıtsyn men «Jetisý» sapyndaǵy estonııalyq Artem Dmıtrıev múlt ketti. 72-mınýtta Adam Adahadjıevtiń aıyp alańyna kirmesten soqqan doby «Aqjaıyq» qaqpasynyń baǵanasyna tıip, kirip ketti – 2:2.
Match aıaqtalýyna sanaýly mınýttar qalǵanda, N.Kovtalıýk úshinshi golyn soqty – 3:2.
Osy oıynnan keıin 12 upaı jınap, segizinshi orynǵa kóterilgen oraldyqtar kelesi kezdesýin 8 mamyr kúni Qyzylordada «Qaısar» komandasymen ótkizse, «Jetisý» «Aqtóbeni» qabyldaıdy.
Eske sala keteıik, budan buryn «Astananyń» óz alańynda «Aqjaıyqtan» basym túskenin jazǵan bolatynbyz.
Sondaı-aq «Qaırat» «Astanadan» jeti upaıǵa qalyp qoıdy.
