Fýtbol: Qostanaıdyń «Tobyl» komandasy 2010 jylǵy Qazaqstan chempıony atandy
ASTANA. 8 qarasha. QazAqparat - Qostanaıdyń «Tobyl» komandasy fýtboldan 2010 jylǵy Qazaqstan chempıony atandy. 2009/2010 jylǵy maýsymdaǵy el birinshiliginiń jeńimpazy 6 qarashada ótken 32-týrda anyqtaldy.
Sońǵy týrǵa deıin «Tobyl» men «Aqtóbe» komandalarynyń arasyn 1 upaı bólip turǵan-dy. Aqyrǵy oıynda «Tobyl» syrt alańda «Atyraýdy «2:0 esebimen jeńdi, sóıtip 64 upaı jınap, óz tarıhynda tuńǵysh ret Qazaqstannyń eń myqty komandasy atandy. Aıta keteıik, buǵan deıin qostanaılyqtar el birinshiliginiń 3 márte kúmis, 4 márte qola júldegeri, 2007 jyly Qazaqstan kýbogynyń jeńimpazy atanǵan bolatyn.
Ótken maýsymdaǵy el chempıony - «Aqtóbe» 63 upaımen kúmis júldegeni mise tutty. Olar sońǵy týrda syrt alańda Qaraǵandynyń «Shahter» komandasyn 1:0 esebimen jeńdi. Pavlodardyń «Ertisi» qola júldeni qanjyǵasyna baılady.
11-inshi jáne 12-nshi oryndardy ózara bólisken Oraldyń «Aqjaıyǵy» men Kókshetaýdyń «Oqjetpesi» Premer-lıgamen qosh aıtysty. «Tobyl» shabýylshysy Ulyqbek Baqaev 16 doppen chempıonattyń úzdik surmergeni atandy. Óskemenniń «Vostok» jáne Qyzylordanyń «Qaısar» komandalary birinshi lıgadan Premer-lıgaǵa joldama aldy.
