Fýtbol komandasy 300 teńgege satylady
ASTANA. QazAqparat - Reseılik kásipker Anton Zıngarevıch «Redıng» fýtbol komandasynyń barlyq aktsııalaryn satylymǵa qoıdy. Bul týraly «The Reading Chronicle» basylymy habarlap otyr, dep jazady massaget.kz.
Reseılik jeke kásipker Anton Zıngarevıch «Redıng» komandasynyń barlyq aktsııalaryn nebári bir fýnt sterlıngke (shamamen 307 teńge) baǵalap otyr. Osynshama arzan bolýynyń da ózindik sebebi bar. Óıtkeni, komandanyń 38 mıllıon fýnt sterlıng qaryzy bar eken. Shart boıynsha, mundaı sý tegin baǵaǵa satyp alǵan adam barlyq qaryzdaryn óz moınyna alyp, túgeldeı óteýi kerek.
Capynda reseılik shabýylshy Pavel Pogrebnıak oınaıtyn «Redıng» komandasy, búginde Anglııa chempıonatynyń ekinshi dıvızıonynda óner kórsetýde. Sonaý 1871 jyly qurylǵan komandany 2012 jyly Anton Zıngarevıch satyp alǵan kezde premer-lıgada baq synap, jaqsy óner kórsetip júrgen bolatyn. Alaıda, eki jyl boıy sátsizdikten kóz ashpaǵan komanda 2013/2014 jylǵy maýsymda Anglııa premer-lıgasynda oınaý quqyǵynan taǵy da aıyryldy. Osy sebepti de Zıngarevıch komandanyń barlyq aktsııalaryn satylymǵa qoıýǵa bel býypty.
Komandany sý tegin baǵaǵa satyp alýǵa ızraıldik mıllıarder Teddı Sagı jáne úndistandyq kásipker Mohıt Býrman qyzyǵýshylyq tanytyp otyr.
