Fýtbol: Klýbtar arasyndaǵy álem chempıony anyqtaldy
Nur-Sultan. QazAqparat – Bıylǵy klýbtar arasyndaǵy álem chempıonatynyń fınalynda aǵylshyndyq «Lıverpýl» brazılııalyq «Flamengomen» kezdesti, dep habarlaıdy QazAqparat.
Birinshi taımda komandalar esep ashpady. 46-mınýtta Roberto Fırmınonyń baǵyttaǵan soqqysy qaqpa baǵanasynan keri qaıtty. Brazılııalyq klýb ekinshi taımnyń orta tusynda gol soǵatyn múmkindikti múlt jiberdi.
92-mınýtta Sadıo Mane qaqpashymen jeke-dara shyǵyp, aılasyn asyra almady. Tóreshi bastapqyda penaltı belgilegen, alaıda, beıneqaıtalaý bul sheshimniń burystyǵyn kórsetti.
Birinshi ekstra-taımda Roberto Fırmıno «Lıverpýlge» jeńis ákeldi.
Osylaısha, «Lıverpýl» óz tarıhynda tuńǵysh ret klýbtar arasyndaǵy álem chempıony atandy.
Aıta keteıik, klýbtar arasyndaǵy álem chempıonaty 2000 jyldan bastap ótkizilip keledi. Bul týrnırge ÝEFA chempıondar lıgasynyń jeńimpazy men Lıbertadores Kýbogyn utyp alǵan ár qurlyqtyń chempıondary qatysady.
