Fýtbol: Qazaqstannyń jastar quramasynyń tizginin Mıhaıl Solovev ustady
ASTANA. 18 shilde. QazAqparat - Keshe, 17 shildede fýtboldan Qazaqstannyń 19 jasqa deıingi (U-19) jasóspirimder quramasynyń aǵa bapkeri bolyp Mıhaıl Solovev taǵaıyndaldy, dep habarlaıdy Qazaqstan fýtbol federatsııasynyń baspasóz qyzmeti.
43 jastaǵy reseılik maman serb bapkeri Neboısha Mılıchıchti almastyryp otyr. Mılıchıch komandanyń qanaǵattanarlyqsyz nátıjeleri úshin qyzmetinen ketken bolatyn.
Mıhaıl Solovev, fýtbolshy retinde kóp jyldar TsSKA (Máskeý) jáne «Torpedo» (Máskeý) klýbtarynda oınady. Bapkerlik qyzmetti «Máskeý» fýtbol klýbynan bastady. Keıin fýtboldan RF-nyń 17 jasqa deıingi (U-17) jasóspirimder quramasynyń aǵa bapkeri boldy. UEFA uıymynyń A sanatty bapker lıtsenzııasyna ıe.
