Fýtbol: Qazaqstannyń Sýper kýbok matchynyń ótkiziletin ýaqyty ózgertildi
ASTANA. Aqpannyń 25-i. QazAqparat /Ernur Aqanbaı/ - «Astana-Arena» stadıonynda ótetin fýtboldan 2010 jylyǵy Qazaqstannyń Sýper kýbogy matchynyń ótkiziletin ýaqyty ózgertildi.
Naýryzdyń 14-i kúni «Aqtóbe» men «Atyraý» komandalary arasynda bolatyn bul oıyn saǵat 15-te emes, 14-te bastalatyn boldy, dep habarlaıdy QazAqparat Qazaqstan Fýtbol federatsııasyna silteme jasap.
Aıta keteıik, Qazaqstan Fýtbol federatsııasynyń bekitken erejesine sáıkes, Qazaqstannyń Sýper kýbogyn aldyńǵy maýsymda Premer-lıga komandalary arasynda chempıon atanǵan jáne Qazaqstan kýbogyn jeńip alǵan komandalar ózara sarapqa salady. 2008/2009 jylǵy maýsymda «Aqtóbe» 26 oıynda 65 upaı jınap, el chempıony atanǵan bolatyn. Al, «Atyraý» bolsa fınalda Qaraǵandynyń «Shahter» komandasyn jeńip, byltyr Qazaqstan kýbogynyń ıegeri atandy.
Qazaqstan Fýtbol federatsııasynyń málimetinshe, Qazaqstan quramasy men Moldova quramasy arasynda Túrkııanyń Antalıa qalasyndaǵy «Atatúrik» stadıonynda ótetin joldastyq kezdesýdiń de bastalatyn ýaqyty keıinge shegerildi. Bul oıyn naýryzdyń 3-i kúni Antalıada jergilikti ýaqyt boıynsha saǵat 18:30-da bastalady. Esterińizge salaıyq, fýtboldan Qazaqstan quramasy osy kúnderi Túrkııanyń Belek qalasynda oqý-jatyǵý jıynynda júr.
